-

睇劇睇到兩眼發直, 打blog活絡下, 鳩up確令人心曠神怡.

聽日原來係公眾假期, 我用原來係因為我真係唔知, 對於無工返既人, 日日都一樣, 我就來連星期幾都唔知.

時光飛逝, 我就來失業左兩個星期, 真係, 我搵過咁多次工, 都未遇過咁慘淡既境況, 成兩個星期都無feebdback, 係完全無feedback. 我好驚, 我唔想三個月後仲坐左響係度打: 「我已經失業左三個月..」

搵工時, 見到半年turnover一次既舊舊公司又到左請人既時候, 朋友同我講好馬不食回頭草, 但去到絕境既話, 仲堅持做隻好馬既下場只會係餓死. 不過, 到時先算啦.

星期二去左新蒲崗呢片窮鄉僻壤幫學生報名考樂理, 原來, 響同一片土地上係童話存在架, 我眼前所見既考試局人盡是童話人物, 從此, 無左個腦咁生活落去.

唉, 做乜都好, 無論做梗乜個心都係好煩.

執念. 有d野, 我仲未放得低.
　

悶------

跟Y少認識了不過只是短短兩個月的時間. 相識至今, 會不時收到標點符號計算在內都不多於五隻字的真正"短"訊:「 band?」

雖然我經常推搪, 不過心底裡倒是很感激, 縱使我多番推搪你仍繼續邀請. 你確是我認識中最”堅毅”的人. 來到今天, 我, 推搪到不好意思決定遊遊band房聽live去.

帶我來的朋友Y不可靠, 到場後, 不作介紹”旋即”埋位繼續唱歌….

凌晨一時, 身處葵涌區廠廈某一單位的我, 置身迷漫煙霧中, 啞然獨對全班十數個完全陌生的人. 我這個不愛蒲不熱衷社交身處熱鬧會不自在的人, 心想著慘了..今晚大概要悶死了.

有時候我會想, 「不熱衷社交」會不會只是掩飾自己其實是不善社交的一組砌詞, 不過我又相信是相輔相成的吧, 可能打從心底的無法喜歡而沒意向發展. 但, 我不喜歡這樣識朋友確是事實, 總覺得從玩樂中認識的, 最後還是離不開只能成為, 酒肉朋友. 我從來只渴望心靈交會的朋友.

我不是愛好band的人, 對我而言band太吵耳了, 不過卻鍾愛live, 看到一班因熱愛著音樂而聚在一起抱擁音樂至通宵達旦的人, 當中的狂熱及忘我, 是令人感動的.

實話實說, 我平日是不會覺得Y是靚聲之人. 既不是張偉文那種靚聲亦不是顏聯武或林子祥那種磁味或鴻厚的聲帶, 不過, Y唱歇斯底里的歌又確係幾ok. 有辣有唔辣既, 即係張偉文又未必唱得好歇斯底里既歌既. 加油啊, 繼續擦亮你對唱歌的熱愛.

這天個晚上嘛, 朋友欄未能增加, 倒是裝滿了一袋子翌日還不肯散去的煙味回家.