陋習

好無心機, 極度無心機, 好想”專心地”無心機,不知何緣何故由踏出家門已經是這樣.

相信與工作完全無關, 因為這幾天都有足夠喘氣的空間.

也許會跟家中又雜亂起來有關. 截至出門前.. 散落到地上的頭髮越積越多, 已洗淨的衣物仍在洗衣機內, 待洗的衫衫褲褲又隨處可見, 屎坑驚見成粒沖極都唔走的屎, 廁所廚房客廳各處地板皆喚我洗洗佢啦老細, 廚房一片混亂, 飯木台飯煲蓋已使用的抹手紙皆不安其位, 奇聞雜誌李居明流年運程及通勝繼續佔據沙發保持著當天友人離開時的姿態.　（=口=！有人話我dirty！仲逐點chanllenge我！=口= =口= =口=） 然而, 自己每天放工回到家都很累只想休息乜都唔理. 唉, 不如你改左無手尾既壞習慣啦好唔好?

我一個人住, 都係人一個, 同樣要上班, 早出晚歸, 要食要玩. 有時候有時候, 想到自己是活得這樣急趕拚命勞碌營役, 就覺得疲乏起來. 我一個女人仔, 又要上班又要做家務又要做飯, 打理一頭家要經營好一個家真的不簡單不容易 !

近來我為了有健康一點的飲食, 雖然已顯注地早起床做飯去, 但心底不單是十分緊張地計算更是慌忙地把握每分每秒, 深怕上班遲到. 今天, 我在前往港鐵站之時, 突然意識到自己步伐天天都催命似的急促, 人開始暴躁, 對自己憤怒起來, 天天都慌忙地急急趕趕全都是自己賴床作！的！孽！

我要早d起身呀！我要他他條條悠然自得咁返工！我唔要再咁趕！我每日都要自己準時, 但我每日都遲到=_= 我真係唔想咁丫.. 講真, 返工準時係本份

這天, 又再看到大圍轉線站男男女女疾走追車的景況, 無限感慨打從心底. 你們是不是都跟我一樣睡到最後那時那刻才起床, 匆匆梳洗然後慌忙地奪門而出, 繼而是追”車立”追巴士追地鐵趕紅綠燈, 拼了命的在準時與遲到邊緣間掙扎.

也許有一天, 這種生活模式終於使你累了, 你終於的起心肝學習早起更從中體現到從容的美好, 你終於有時間欣賞沿途風光留意到司機的模樣及鄰座的美女, 更重要的是, 你終於發覺..嘩係?!有冇攪錯?!成隻褲腳sip左入襪度!
　

再見風流

2009已經開始左一個禮拜有多, 令到我唔想再回顧我既2008, 或者係因為依家好眼訓諗唔到野, 但, 自覺好耐無打blog所以好想打返三幾句.

開呢個blog既當初, 有部份原因係想俾自己響公司有消磨時間既地方, 點知, 踏入2009先知自己"有排歎", 公司恩賜多4日既假期, 假恍然大悟原來係最後晚餐.

公司個project manager不動聲色咁悄悄地離我們而去, thank you letter都冇封 + byebye 都冇個, 後來先知原來係公司炒人. 堂堂一個project MANAGER既野就俾晒我跟, 我唔知講乜好, 多謝你咁睇得起我好唔好?

我咁耐以泥無諗過會同project management既野扯上關係, 係咪一個好機遇我唔知, 因為我對呢行係完全無認識, 我唔知呢行既前景會係點, 亦因為咁所以唔懂得恨做, 我只係知做得project有關既野就會好很忙同好很麻煩.

自問, 我當初決意轉行做exective asst係因為唔想咁辛苦, 唔想放左工仲心掛掛放唔低諗住公司野, 更加唔想再出現因為太多野成日好想快d做晒但做極都做唔完所以最後令到自己情緒低落. 人算不如天算咪就係呢d囉.

經濟唔好係眾所周知既事, 之但係我依家一個人做兩個人既野相信都係有目共睹, 喂, 條數點計先.

唉, anyway, 你俾得我做我就一定會做好俾你睇, 唔係為左做俾你睇, 只係我對自己既要求, 你認唔認同我都唔係重點, 我只係需要對得起自己. 我依家要求好低, 只係唔想做自己憎既野, 暫時, 雖然d野接住係咁泥, 但我都無任何反感, 相信可以繼續落去.

唉, 呢舖真係, 前路忙忙.

細碎

明天要上班啦啦啦啦啦. 假期由廿五直到今日, 我有d放到悶悶地但對於聽日要返工又唔係好想. 成個假期都好忙, 忙於招呼朋友既拜訪. 多謝janice牛牛山chole既賀禮, 係我唯一收到既賀禮. 無計, 我搬得咁密, 講真, 我點好意思要老友送禮送到眼癱癱呢. 不過我真係好想要個焗爐喎. 呵!

聽日就要面對老細, 睇完佢o個封email之後個心有d野, 我唔知點面對佢. 我依然係咁, 總會響問題當下質疑, 自己其實係咪唔適合做商營機構呢? 直到依家26歲女啦, 個心仲係好飄零, 我唔想再咁..我唔要再咁! 致力令心底有泊岸啦既感覺, 係我09年目標之一.

2009已經過左4日, 但我既2008, 仲未打好.